किराना स्टोर म दिनदहाड़े चोरी, व्यापारी मन डर म
पत्थलगांव।भाटामुड़ा के रघु किराना स्टोर म दिनदहाड़े चोरी के घटना ले पूरा इलाका म हड़कंप मच गे हे। घर अउ दुकान एके संग होय के बाद घलोक चोर मन मौका के फायदा उठाके चोरी ला अंजाम दे दिस।
घटना सुबह 10 बजे के हे, जब दुकान के दूसर मन अस्पताल गे रहिन अउ रघु राम अकेल्ला घर म रहय। दुकान बंद करके वो खाना खाय बर बाहर गे रहय, तबेच चोर मन पीछे के दरवाजा के कुंडी तोड़के अंदर घुस गिस अउ आलमारी म अउ दुकान के गल्ला ले करीब 50 हजार रुपिया पार कर दिस।
चोरी के दौरान रघु राम अचानक बाहिर से आ गे अउ देखिस के अंदर ले दरवाजा बंद हे। जब वो दरवाजा खटखटाय लागिस, तब अंदर चोर मन डर के मारे भाग गिन। येसे जेवरात मन ला चोर नइ ले सकिन।हद तो तब होइस जब चोरी करत-करत चोर मन दुकान म रखे सिगरेट पी गिस अउ कोल्ड ड्रिंक घलोक पी डारिन।
घर-दुकान म लगे सीसीटीवी कैमरा म चोरी के पूरा घटना कैद हो गे हे। फिलहाल पत्थलगांव पुलिस जांच म जुट गे हे।
