भारतीय पेंशनर्स महासंघ जिला जशपुर के अध्यक्ष बने रमेशचन्द्र नन्दे
जशपुर। भारतीय राज्य पेंशनर्स महासंघ छत्तीसगढ़ प्रदेश के प्रांताध्यक्ष वीरेंद्र नामदेव के अध्यक्षता म जनपद पंचायत सभागार म पेंशनर मन के बैठक रखाय गे। ये बैठक म जशपुर जिला म पेंशनर मन के समस्या के समाधान अउ संगठन के विस्तार बर चर्चा होइस।
बैठक म रमेशचंद्र नंदे ला जिला अध्यक्ष अउ मंगरा राम महतो ला महासंघ के सचिव सर्वसम्मति से चुने गे।
प्रांताध्यक्ष वीरेंद्र नामदेव सरकार ऊपर नाराजगी जतावत कहिन के मध्यप्रदेश राज्य पुनर्गठन अधिनियम 2000 के धारा 49 के बहाना ले पेंशनर मन ऊपर अन्याय होवत हे। केंद्र सरकार के नियम म देय तिथि से डीए अउ डीआर देय के घोषणा होइस, फेर राज्य सरकार ओला पूरा नइ करत हे।
बैठक म पेंशनर मन के मुख्य मांग ऊपर चर्चा होइस, जेमा ये बात सामिल हे:
✔ पेंशन के कटौती के समय कम करना
✔ 65 बछर म अतिरिक्त पेंशन देय
✔ दैनिक वेतनभोगी मन के पूरा सेवा काल ला पेंशन गणना म जोड़े
✔ रेल यात्रा म फिर से छूट देय
✔ पेंशनर के मउत होय के बाद एग्रेसिया अनुदान देय
✔ पेंशनर मन ला आयकर से छूट देय
✔ भारत भ्रमण के सुविधा देय
✔ बस यात्रा म छूट के नियम ला लागू कराय
✔ कैशलेस मेडिकल सुविधा देय
ये संगठनात्मक बैठक म प्रदेश अध्यक्ष वीरेंद्र नामदेव संग प्रदेश महामंत्री अनिल गोल्हानी, प्रदेश कोषाध्यक्ष बी. एस. दसमेर, प्रदेश संगठन मंत्री टी. पी. सिंह, प्रदेश संयोजक अनिल पाठक सहित बहुत झन वरिष्ठ पदाधिकारी उपस्थिति रहिन।
बैठक म सुधीर पाठक, दिनेश राम, प्रदीप मिश्रा, बरनू राम, राजकुमार षडंगी, सुखनाथ राम महतो, बिजय बिहारी, के. आर. भगत, संतन प्रसाद, बसंत थापा, संदीप दास, सुरेश प्रसाद सोनी, मनहरण त्रिपाठी, सुनील सिन्हा, अनिल शर्मा, गोविन्दप्रसाद मिश्रा, पिताम्बर सिंह, सी. के. शाह, सत्यनारायण नन्दे अउ अउ अन्य सेवानिवृत्त कर्मचारी मन भारी संख्या म सामिल रहिन।
